Nalunaarsuutit tunngaviusut atornissaannullu piareersarneri

Suliffeqarfinni naatsorsuutit tassaapput piginneqatigiiffinni, aktianik piginneqatigiiffinni aammalu suliffinnilu tunisisartut pisisartulluunniit peqatigiillutik piginneqatigiiffiini aningaasaqarnikkut pissutsit kisitsisitigut paasissutissaat. Suliffeqarfiit allat, assersuutigalugu suliffeqarfiit inummit ataatsimit pigineqartut, aningaasaateqarfiit assigisaallu, ilanngunneqanngillat.

 

Kisitsisitigut paasissutissani misissukkat amerlassusaat Inuussutissarsiummik Ingerlataqartunik Nalunaarsuiffimmit (GER-imit) aammalu Akileraartarnermut Aqutsisoqarfiup suliffeqarfinnut allattuiffianit aaneqarput. Kisitsisitigut paasissutissani suliffeqarfiit inatsisitigut akuersissutigineqarluni inissisimaffiat, sulianut tunngatillugu inissisimaffiunngitsoq, malillugu ilanngunneqarput. Assersuutigalugu suliffeqarfik inatsisitigut akuerineqarluni suliaqarfimmi ataatsimi nalunaarsorsimasinnaavoq, kisiannili suliaqarfinni assigiinngitsuni sulianik ingerlatsisinnaalluni. Suliffeqarfinnut naatsorsuutini suliffeqarfik suliaqarfimmut inatsisitigut akuerineqarluni nalunaarsugaaffigisimasaanut naatsorsorneqarpoq. Assersuutigalu suliaqarfinni Aalisarnermi aammalu Atortssiornermi ingerlataqartut arlallit GER-imi Niuernermi Iluarsaassinermilu nalunaarsorneqarsimapput.

 

2016-imi suliffeqarfinnut naatsorsuutini piffissami 1. maaji 2016-imit 30 .apriili 2017-imut naatsorsuutit naammassineqarsimasut ilanngunneqarput. Suliffeqarfiit naatsorsuutaat Det Centrale Virksomhedsregister-imit (CVR) aammalu Akileraartarnermut Aqutsisoqarfimmit aaneqarput. Ilaatigooriarluni aningaasat kaaviiaartitat nioqqutissanillu atuinerit pillugit paasissutissanik aallertoqarsinnaasimanngilaq. Taamaattumik suliffeqarfiit taakku ukiut siulii aammalu akissarsiat suliaqarfiullu aningaasartuutai tunuliaqutaralugit missingersorneqarput. Takussutissaq 4.-rimi takuneqarsinnaapput suliffeqarfiit ilanngunneqanngitsut, suliaqarfiit malillugit.

 

Takussutissaq 4. Kisitsisitigut paasissutissani amigaatit agguuaanneri, suliaqarfiit malillugit

	2012	2013	2014	2015	2016
	Amerlassusaat
B. Aalisarneq  .....................................	-	-	-	-	-
C. Aatsitassiorneq  .................................	-	1	-	-	-
D. Atortussiorneq  ..................................	1	1	-	-	-
F. Sanaartorneq  ...................................	6	5	2	-	-
G. Niuertunik pilersuineq atugassanillu nioqquteqarneq  ....	1	3	2	-	-
H. Akunnittarfiit neriniartarfiillu  ......................	-	-	-	-	-
I. Assartuineq  .....................................	-	-	1	-	-
J. Aningaaseriviit, aningaasaliisarfiit sillimmasiisarfiillu  ....	-	1	-	-	-
K. Inissianik attartortitsinerit sullissinerillu allat  ..........	1	2	-	-	-
Suliaqarfiit allat ....................................  .................................................	-	-	1	-	-
Ukiumut ataatsimut tamakkerlugit. ......................  .................................................	9	13	6	-	-

 

Suliffeqarfinnut naatsorsuutini suliffeqarfiit amerlassusaat ukiunut agguaallugit ukiumilu ataatsimi amerleriarneri ikileriarnerilu takussutissaq 5.-imi aammalu 6.-imi takuneqarsinnaapput.

 

2018-imi qallunaanit/nunanit allanit immikkoortortaqarfiit 8-t ilanngunneqarput, suliffeqarfiillu ataatsimut 281 mio. kr.-nik pisassarisaqarsimapput. Suliffeqarfiit suliaqarfinnut pingaarnernut F-mut, G-mut, I-mut J-mut K-mullu agguaanneqarput annerpaallu suliaqarfimmi Inissiaatut, inissianik attartortitsineq sullissinerillu allat inissisimapput.

 

Takussutissaq 5. Suliffeqarfiit amerlassusaat

	2012	2013	2014	2015	2016
	Amerlassusaat
B. Aalisarneq  ...................................	44	41	48	51	57
C. Aatsitassiorneq  ................................	14	13	12	14	15
D. Atortussiorneq  ................................	32	33	34	32	34
F. Sanaartorneq  .................................	119	113	117	115	113
G. Niuertunik pilersuineq atugassanillu nioqquteqarneq  ..	131	127	124	124	127
H. Akunnittarfiit neriniartarfiillu  ....................	36	33	32	32	33
I. Assartuineq  ...................................	52	56	56	61	59
J. Aningaaseriviit, aningaasaliisarfiit sillimmasiisarfiillu  ..	32	27	24	24	23
K. Inissianik attartortitsinerit sullissinerillu allat  ........	204	203	197	201	209
Suliaqarfiit allat ..................................	24	19	37	45	19
Tamakkerlugit, suliffeqarfiit amerlassusaat ..............	688	665	681	699	689
Suliffeqarfiit annertussusaat .........................	697	678	687	699	689
Misissukkat procentinngorlugit........................ ...............................................	99	98	99	100	100

 

Takussutissaq 6.-imi takutinneqarput ukiumi pineqartumi suliaqarfinni ataasiakkaani suliffeqarfiit amerlassusaat ukiumut kingulianut sanilliullugit. Suliaqarfinni allani suliffeqarfiit amerlassusaat suliaqarfinni pingaarnerni qulingiluaasuni inissisimanngitsut takutinneqarput. Suliffeqarfiit uninngasut imaluunniit sulianik ingerlataqanngitsut aamma tassunga immikkoortinneqarput.

 

Takussutissaq 6. Suliffeqarfiit amerleriarneri ikileriarnerilu, ilanngunneqanngitsut ilanngaatigereerlugit

	2012	2013	2014	2015	2016
	Amerlassusaat
B. Aalisarneq  ...................................	-2	-3	7	3	6
C. Aatsitassiorneq  ................................	1	-1	-1	2	1
D. Atortussiorneq  ................................	-5	1	1	-2	2
F. Sanaartorneq  .................................	2	-6	4	-2	-2
G. Niuertunik pilersuineq atugassanillu nioqquteqarneq  ...	8	-4	-3	0	3
H. Akunnittarfiit neriniartarfiillu  .......................	-1	-3	-1	0	1
I. Assartuineq  ...................................	-3	4	0	5	-2
J. Aningaaseriviit, aningaasaliisarfiit sillimmasiisarfiillu  .....	0	-5	-3	0	-1
K. Inissianik attartortitsinerit sullissinerillu allat  ...........	-3	-1	-6	4	8
Suliaqarfiit allat   .................................	-2	-5	18	8	-26
Amerleriarneri ikileriarnerilu   .........................	-5	-23	16	18	-10

 

Nalunaarsuutit tunngaviusut nalilersorniarlugit suliffeqarnermut naatsorsuutini sulisut amerlassusiisa paasissutissaat Suliffeqarnermut kisitsisitigut paasissutissani ukiumut sulisut amerlassusaannut naleqqiullugit misissorneqarput, inuussutissarsiornermi ingerlatat qanoq annertutigisut suliffeqarfinnut naatsorsuutini matussuserneqarsimanersut takuniarlugit. Ataani takussutissaq 7.-mi misissukkat annertussusaat takuneqarsinnaavoq. Tamannali 2016-imut naatsorsorneqarsinnaasinnaasimanngilaq, Suliffeqarnermut kisitsisit 2016-imoortut suli naammassineqannginnerat peqqutaalluni.

 

Takussutissaq 7. Suliffeqarnermut naleqqiullugit suliffeqarfiit amerlassusaat

	2011	2012	2013	2014	2015
	Procentinngorlugu
B. Aalisarneq  ..................................	41	39	34	59	70
C. Aatsitassiorneq  ..............................	3	10	14	103	75
D. Atortussiorneq  ..............................	62	41	42	67	81
F. Sanaartorneq  ................................	76	79	83	85	80
G. Niuertunik pilersuineq atugassanillu nioqquteqarneq  .	78	72	78	79	81
H. Akunnittarfiit neriniartarfiillu  ...................	63	52	52	51	48
I. Assartuineq  .................................	75	73	76	75	75
J. Aningaaseriviit, aningaasaliisarfiit sillimmasiisarfiillu  .	92	99	103	68	86
K. Inissianik attartortitsinerit sullissinerillu allat  .......	62	54	59	54	58

Nalunaarut: Ukiumoortumik naatsorsuutini sulisut amerlassusaannut nalunaarsuutit aammalu suliffeqarnermi kisitsisitigut paasissutissani sulisunut nalunaarsuutit assigiinngissuteqarsinnaapput, ilaatigooriarluni tamanna misissukkat amerlassusiisa procentinngornerini 100 – t anginerusumik inerneqarsinnaalluni.

 

Suliaqarfinni assigiinngitsuni misissukkat amerlassusaannut tunngatillugu takuneqarsinnaapput suliaqarfinni Sanaartorneq aamma Niuerneq Iluarsaassinerlu aammalu Assartuinermi suliffeqarfiit misissukkat annertussusaat qaffasinnerusut suliaqarfinnilu Akunittarfiit Neriniartarfiillu aammalu Inissianik attartortitsinerit sullisinnerillu allat misissorneqarnerisa annertussusaat appasinnerulluni. Suliaqarfiillu taakku tassaapput inummik ataatsimik piginnittulinnik, soorlu namminersorlutik aalisartunik piniartunillu il.il, amerlanerusunik imaqartut.

 

Periaaseq

Piareersaanermi anguniagaavoq Misissueqqissaarnissamut periarfissanut immikkoortumi aningaasartuutinut allattorsimasunut assingusunik naatsorsuinermi kisitsisinik pilersitsinissaq.

 

Piareersarneq killiffilersukkamik ingerlanneqarpoq:

1.    Suliffeqarfiit ataasiakkaat paasissutissaat suliaqarfiit GER-normullu ataani aningaasartuutinut assigiinngitsunut agguaanneqarput.

2.    Paasissutissat databasemut nuunneqarput.

3.    Paasissutissat aaneqarput suliaqarfinnullu pingaarnernut katiterneqarlutik.

 

Suliffeqarfinni naatsorsuutinik saqqummersitsinermi siunertaavoq inuussutissarsiorfinni assigiinngitsuni soorlu piginneqatigiiffinni, aktianik piginneqatigiiffinni aammalu tunisisartut pisisartulluunniit peqatigiillutik piginneqatigiiffiini aningaasaqarnikkut ineriartorneq ataatsimut saqqummiunnissaat. Suliffeqarfiit allat assersuutigalugu inummik ataatsimik piginnittullit, suliffeqarfiit ataatsimit amerlanerusunit piginnittullit, aningaasaateqarfiit, peqatigiiffiit, pisortat suliffeqarfiutaat il.il. ilanngunneqanngillat. Suliffeqarfinni naatsorsuutini anguniagaavoq inuussutissarsiornerup sapinngisamik pitsaanerpaamik misissorneqarnissaa taamaattumik ungasinnerusoq eqqarsaatigalugu nalunaarsuutit tunngaviusut pitsanngorsarnissaannut sulisoqarpoq, taamaasilluni suliffeqarfiit allat naatsorsuutini ilanngunneqarsinnaalissammata. 2014-imiit qallunaanit nunanilu allanik suliffeqarfiit immikkoortortaqarfii ilanngunneqarput.

 

Saqqummersitami Kalaallit Nunaanni suliaqarfinnut uuttuutit taaguutaanni GB 2000 malillugu suliaqarfiit pingaarnerit qulingiluat misissorneqarput.

 

Saqqummersitami suliaqarfiit pingaarnerit qulingiluat Kalaallit Nunaanni suliaqarfinnut uuttuutit taaguutaanni B-mit R-mut inissisimasut misissorneqarput. Suliaqarfik pingaarneq A kisitsisitigut paasissutissani ilanngunneqanngilaq piffissami 2011-mit 2016-imut suliaqarfimmi sulianik ingerlatsisoqarsimanngimmat. Taamatuttaaq suliaqarfiit pingaarnerit M. Ilinniartitsineq, N. Peqqinnissaqarfiit isumaginninnermilu sullissiviit, O. Ornittakkat, isumaginninnermi inunnullu ataasiakkaanut sullissiviit allat malunnaarsaarneq peqqutigalugu ilanngunneqanngillat.

 

2017 aallarnerfigalugu qallunaat nunaanni suliaqarfinnut uuttuut DB07 atorneqalissaaq.

 

2016-imi suliffeqarfinni naatsorsuutinut immikkoortumi pingaarnertut inernerit saqqummiunneqarput Misissueqqissaarnissamullu periarfissat immikkoortuani kisitsisit kisitsisinut pingaarnernut misissueqqissaarnernullu kisitsinermi qanoq atorneqarsinnaanerinik assersuuteqartoqarpoq.

 

Nalunaarsuutinut tunngaviusunut atornissaannullu piareersarnermut immikkoortumi nalunaarsuutit taakkulu piareersarneri allaaserineqarput kingornatigullu Taaguutit Nassuiaatillu taaguutinut nassuiaatinullu immikkoortumi tulleriaarneqarput. Suliaqarfiit immikkoortiterneri suliaqarfiit immikkoortiternerinut immikkoortumi takuneqarsinnaapput.

 

Pisassarisat tunisassiornerlu kattunnermi pisiarineqarnermiluunniit suliaqarfimmut allamut nuunneqarsinnaapput tunisassiornerlu ingerlatseqatigiinnit suliaqarfimmi pingaarnermi allamiittunit ingerlatseqatigiinnit taarserneqarsinnaalluni.

 

Taaguutit nassuiaatillu

Suliffinni naatsorsuutini taaguutit atorneqartut spørgeskemami allaqqasunik tunngaveqarput. Spørgeskemami nittartakkatsinni uani: www.stat.gl –imi aaneqarsinnaavoq.

 

Kaaviiaartitat: Suliffeqarfiup suliani ingerlataani pingaarnerni nioqqutissanik tuniniaanermi sullissinernilu isertitat. Sulianik nammineerluni akilikkanik aamma imaqarpoq.

 

Ingerlatsinermi isertitat allat: Isertitat pingaarnertut ingerlatsinermut attuumassuteqanngitsut, soorlu ilinniarnermut atatillugu suliffimmiittoqarnermi tapiissutit tigussaasunillu sanaartornermi pigisani sinneqartoorutit.

 

Nioqqutissanik atuineq: Atuineq kaaviiaartitanut ilaatinneqartoq. Tassaniipput nioqqutissiassanik, nioqqutissanik ineriikkanik aammalu toqqorsivinni allannguinerit.

 

Akissarsiat, soraarnerussutisiat allallu: Akissarsianut soraarnerussutisiassanullu aningaasartuutit aammalu suloqarnermut aningaasartuutit allat.

 

Appartitsinerit nalikilliliinerillu: Ukiumi pineqartumi tigussaasunik tigussaanngitsunillu sanaartornikkut pigisani nalikilliliinerit appartitsinerillu.

 

Nalinginnaasumik aningaasartuutit allat: Ineqarnermut akiliutinut, annikitsunik pisatartaarnernut, sinniisuusartut allaffiinut, piffissami sivisuumi attartornernut atortunullu nammineq piginngisanut atuinernut, aningaasartuutinut avataaneersunut allanut allanut aningaasartuutit, taamatuttaaq aningaasartuutinut ilanngunneqarput aningaasartuutit pingaaruteqannginnerusut.

 

Aningaasaqarnikkut isertitat: Erniat, pappiaqqanit aningaasanik nalilinnit nunanilu allani taarsigassarsisitsinernit iluanaarutit, aktiaatinit piginneqataanermilu iluanaarutit il.il.

 

Aningaasaqarnikkut aningaasartuutit: Erniat, pappiaqqanik aningaasanik nalilinnik nunanilu allani taarsigassarsisitsinerni nalikilliliinermi annaasat, tuniniaasup akissarsiassaanut toqqorsivinnullu aningaasartuutit il.il.

 

Naleqarnerulersitsineq: Kaaviiaartitat ingerlatsinermilu isertitat allat nioqqutissanik sullissinernillu atuinermut aningaasartuutit ilanngaatigereerlugit. Naleqarnerulersitsineq allatut taallugu tassaavoq suliaqarfimmi nalilinnik pilersitsineq.

 

Sanaartornermi pigisat: Aningaasaatit pineqartut suliffeqarfimmi ataavartumik piginnittuunissamut atuisuunissamullu aalajangersagaapput, assersuutigalugu illunut, maskiinanut, pisattanut, teknikikkut atortunut, akuersissutinut aammalu qarasaasiami programminut najoqqutassanullu.

 

Kaaviiaartitani pigisat: Nioqqutissanut toqqorsiviit, aningaasaatini tigoriaannarni pigisat, tuniniaanermi pisassat pappiaqqallu aningaasanik nalillit.

 

Namminerisamik aningaasaatit: Piginnittut aningaasaatini agguagarsiassaat. Pigisat tamakkerlugit illuartitat akiitsullu ilanngaatigalugit kisinneqarpoq.

 

Illuartitat:Pisussaaffiit, annertussusaat imaluunniit piffissaq akiliiffissaq kingulleq qularnaarlugu ilisimaarineqanngitsoq, assersuutigalugu akileraarutit kinguartinneqarsimasut aammalu soraarnerussutisiassanut pisussaaffiit.

 

Akiitsut sivisuumik akilersugassat: Akiitsut ukioq ataaseq sinnerlugu akilerneqartussat, assersuutigalugu taarsigassarsiat tulleriiaakkat.

 

Akiitsut piaartumik akiligassat: Akiitsut ukiup ataatsip ingerlanerani akilerneqartussat.

 

Aningaasaliinerit: Sanaartornermi pigisani amerleriarnerit ikileriarnerillu, soorlu illuutini (toqqaviit, illut il.il.), ingerlatsinermi atortuni (maskiinat, qamutit, pisattat il.il.) pigisanilu tigussaanngitsuni (qarasaasiami programmit najoqqutassallu il.il.). Amerleriarnerni nalikilliliinnginnermi pisinermi akinik naleqqussaanernillu allanit naatsorsorneqarput, pisianillu aammalu nammineq piginngisanik attartornermi pigisanik aamma imaqarlutik.

 

Sulisut: Akissarsiaqarlutik suliffeqarfimmi sulisut. Ukiumoortumik amerlassusaat.

 

Nammineq aningaasaatinik ernialersuineq = (Akileraarusereerlugit inernerit/Agguaqatigiissillugu nammineq aningaasaatit)*100. uani agguaqatigiissillugu nammineq aningaasaatit kisinneqarput (aallartinnerani nammineq aningaasaatit + naalernerani nammineq aningaasaatit)/2.

 

Sinneqartoorutit annertussusaat= (Nalinginnaasumik inernerit/Kaaviiaartitat)*100.

 

Annaasaqarnermi akiliisinnaassutsip annertussusaa= (Nammineq aningaasaatit/Pigisat tamakkerlugit)*100.

 

Akiliisinnaassuseqarnerup annertussusaa (Current ratio) = (Kaaviiaartitani pigisat/Akiitsut piaartumik akiligassat)

 

Pisassani kaaviiaartitat ingerlaarnerat = Kaaviiaartitat ilanngaanneqareersut / Agguaqatigiissillugu pigisat.

 

Suliaqarfiit immikkoortiterneri

Tabelit suliaqarfinnut immikkoortiterini Kalaallit Nunaanni suliaqarfinni uuttuutinut taaguutini GB2000-imi pingaarnertut immikkoortiterinerit malinneqarput suliaqarfiillu pineqartut tassaapput:

 

Suliaqarfik pingaarneq B. Aalisarneq, suliaqarfinnik 050100-050201 –nik matussusiisoq.

 

Suliaqarfik pingaarneq C. Aatsitassarsiorneq, suliaqarfinnik 111000-145000 –nik matussusiisoq.

 

Suliaqarfik pingaarneq D. Atortussiorneq, suliaqarfinnik 151120-372000 –nik matussusiisoq.

 

Suliaqarfik pingaarneq F. Sanaartorneq, suliaqarfinnik 451100-455000 –nik matussusiisoq.

 

Suliaqarfik pingaarneq G. Niuerneq iluarsaassinerlu, suliaqarfinnik 501010-527490 –nik matussusiisoq.

 

Suliaqarfik pingaarneq H. Akunnittarfiit neriniartarfiillu, suliaqarfinnik 551110-555200 –nik matussusiisoq.

 

Suliaqarfik pingaarneq I. Assartuineq, suliaqarfinnik 602100-642000 –nik matussusiisoq.

 

Suliaqarfik pingaarneq J. Aningaasaateqarfiit, aningaasaliisarfiit sillimmasiisarfiillu, suliaqarfinnik 651100-672090 –nik matussusiisoq.

 

Suliaqarfik pingaarneq K. Inissianik attartortitsinerit sullissinerillu allat, suliaqarfinnik 701100-748490 –nik matussusiisoq.